РФ бырабыыталыстыбата туорахтаах култуураны оҥорон таһаарыыга уонна батарыыга ороскуот чааһын төннөрүүгэ төлөбүр болдьоҕун уһатан биэрдэ. Туорахтаах култуураны оҥорон таһаарааччылар 2022 сылга сэлиэһинэй, оруос, нэчимиэн уонна кукуруза оҥорууга уонна батарыыга көрсүбүт ороскуоттарын сорох чааһын 2023 сылга төннөрүөхтэрин сөп.
Былырыын маннык көмө суумата икки төгүл улааппыта — 20 млрд солк диэри.
Бырабыыталыстыба бэрэссэдээтэлэ Михаил Мишустин дойдуга куттала суох ас-үөл баар буолуутугар уонна экспортка таһаарыыны кэҥэтиигэ бурдугу оҥорон таһаарыы хайысхатын сайдыыта улахан оруоллааҕын бэлиэтээтэ. Бу сыалга 2023 сылга бюджекка эбии 10 млрд солк көрүлүннэ. Ол регионнар агробизнеска «межбюджетнай трансферты» көрөн, ааспыт сыллааҕы ороскуоттарын компенсацияларга туттуллуоҕа.
«Ылыллыбыт быһаарыы бурдук уонна ас-үөл ырыынагар бигэ туругу хааччыйыыга туһалыаҕа. Салгыы да дойду дьонун-сэргэтин хаачыстыбалаах аһынан хааччыйыаҕа», – диэтэ бырабыыталыстыба баһылыга, суруйда РФ тыатын хаһаайыстыбатын телеграм-ханаала.
