«Туймаада ыһыаҕа — 2026» национальнай бырааһынньык ыытыллар кэмигэр Үс Хатыҥ сиригэр-уотугар мобильнай сибээһи хааччахтыахтара. Дьокуускай куорат баһылыга Евгений Григорьев «Куораттыын быһа эфир» биэрии кэмигэр иһитиннэрбитинэн, сибээс таһымын 2G-ҕэ диэри намтатыахтара. Бу быһаарыы, урукку сыллар курдук, тэрээһиҥҥэ куттал суох буолуутун уонна бэрээдэги хааччыйыыга туһуланар.
Ону кытта атыы-эргиэн эрээттэригэр Wi-Fi нөҥүө төлөбүр оҥоһуллуон сөп. Сылдьарга табыгастаах буоларын туһугар анал такси тохтобулларын тэрийиэхтэрэ, ону тэҥэ уопсастыбаннай тырааныспар сырыытын элбэтиэхтэрэ.
Тэрийээччилэр быйыл Ыһыахха 220 тыһыынчаттан итэҕэһэ суох киһи кыттыа диэн сабаҕалыыллар. Култуурунай бырагыраама алгыс сиэриттэн-туомуттан саҕаланыа. Ону тэҥэ фольклор күрэхтэрэ, национальнай таҥас уонна төрүт ас-үөл көрдөрүллүөҕэ.
Санатан эттэххэ, «Туймаада ыһыаҕа — 2026» национальнай бырааһынньык бэс ыйын 27 уонна 28 күннаригэр Үс Хатыҥ сиригэр-уотугар буолуоҕа.
