Баһылык солбуйааччыта Владимир Аржаков эппитинэн, ыһыах арыллыытын сиэригэр-туомугар тыһыынчаттан тахса киһи кыттыаҕа. Үс Хатыҥҥа сүүстэн тахса култуура уонна спорт тэрээһинэ буолуоҕа. Билигин Дыгын Оонньууларын 16 кыттааччытын аата биллэр. Киин былаһааккаҕа сахалыы киинэлэр көрдөрүллэллэрэ былааннанар.
Көрөөччүлэргэ анаан саҥа трибуна оҥоһуллуоҕа, территорията тупсарыллыаҕа, киирэр-тахсар суоллар оҥоһуллуохтара. Саҥа биотуалеттар, умывальниктар, уу емкостара баар буолуохтара.
Тэрийэр мунньахха баһылык Евгений Григорьев эппитинэн, Үс Хатыҥҥа арыгы атыылааһын күүскэ бобуллар, буруйу кэһээччилэри улахан ыстырааптар күүтэллэр.
Туймаада ыһыаҕа быйыл Аҕа дойду улуу сэриитигэр Кыайыы 80 сылыгар, Российскай Федерацияҕа Аҕа дойдуну көмүскээччи, Саха сиригэр Ийэ дойдуну көмүскээччи сылларыгар ананар.
