Туймаада ыһыаҕар бэс ыйын 30 күнүгэр 18:00 чааска «Дьөһөгөй» ипподромҥа Үс Хатыҥҥа 2400 м дистанцияҕа Ил Дархан бирииһигэр аттар сүүрүөхтэрэ. Ол туһунан регион салалтатын пресс-сулууспата суруйда.
Ил Дархан бирииһигэр сүүрүүгэ уон ат кыттар, түөрт уонна онтон үөһэ саастаахтар, ыраас хааннаах боруодалар. 2024 сыл тохсунньу 1 күнүгэр өрөспүүбүлүкэҕэ баар аттар кытталлар. Бириис пуондата — 5 мөл солк. Эрдэлээн талыы түмүгүнэн сүүрэр суолга тахсаллар: Супер Таргет (Горнай), Конст Холидей (Амма), Евр (Хаҥалас), Лансье (Уус Алдан), Нэйчерел Кин (Мэҥэ Хаҥалас), Аутлендер (Нам), Йортен Дьокуускайтан («Саха тент»), Делленджер (Ньурба) уонна Байсар Барс (Сунтаар), Князь Болотоков (Чурапчы).
3200 м дистанцияҕа уон ат түөрт уонна онтон үөһэ саастаахтар, өрөспүүбүлүкэҕэ төрөөбүттэр, ыраас хааннаах боруодалар кытталлар. Кинилэргэ бирииһи Саха Өрөспүүбүлүкэтин бырабыыталыстыбата туруорар. Бириис пуондата – 600 тыһ солк.
Бу күн барыта биэс сүүрдүү маннык дистанцияларынан бараллар: 1000 м, 1000 м, 1600 м, 2400 м уонна 3200 м, уопсай бириис 6,3 мөл солк.
