Томпо оройуонугар Ньурба улууһуттан 27 племенной ынаҕы уонна оҕуһу аҕаллылар.
Кириэс-Халдьаайыттан Трофим Охлопков бааһынай хаһаайыстыбата племенной сүөһүнү уонна сылгыны ылыыга субсидиянан племенной боруода ынахтары уонна оҕустары атыыластылар, диэн биэдэмистибэ пресс-сулууспата иһитиннэрэр.
Сүөһүлэри «Күндээдэ» уопсастыбаттан ыллылар. Ньурбаттан Томпоҕо тиэйиигэ үс күн барда. Ынах сүөһүлэр айаны этэҥҥэ тулустулар, туруктара үчүгэй.
