Өрөспүүбүлүкэ табаны иитэр хаһаайыстыбаларын бөрөлөр буулуулларын туһунан СӨ Тыатын хаһаайыстыбатын уонна аска-үөлгэ бэлиитикэтин министиэристибэтин Хотугу төрүт салаа управлениета иһитиннэрэр, Саха сирэ суруйар.
Ол курдук, хаһаайыстыбалартан киирэр чахчыларынан, 339 бөрө бултаммыт. Бу адьырҕалар ордук Үөһээ Халыма улууһун ыстаадаларыгар кыһалҕаны үөскэтэллэрэ бэлиэтэнэр.
Бу сыл балаҕан ыйын 19 күнүнээҕи туругунан, араас көрүҥнээх 114 хаһаайыстыбаҕа уопсайа 179 605 таба (2024 с. тохсунньу 1 күнүгэр 171552 баара) иитиллэн турар. 36052 тугут төрөөтө.
Быйыл тустаах министиэристибэ уонна улуустар дьаһалталарын кытта хотугу табаны иитиигэ субвенцияны ыытыыга сөбүлэһиилэргэ илии баттаммыт. Субвенция харчыта улуустарга тиэрдиллибит.
