Таатта улууһун Ытык-Күөл нэһилиэгэр баһаар буолбут сириттэн биллибэт киһи өлүгүн буллулар. Бу туһунан балаҕан ыйын 22 күнүгэр Саха сирин прокуратурата ааспыт сууккаҕа буолбут быһылааннар сводкаларыгар иһитиннэрдэ.
«Киһи өлүгүн буллубут, билигин ким буоларын быһаара иликпит», — диэн иһитиннэриигэ бэлиэтэнэр. Баһаар Механизация уулуссаҕа турбут сарайга буолбут. Уот эбийиэк болуоссатын бүтүннүү ылбыт.
Санатан эттэххэ, бэҕэһээ Уус Алдан улууһугар баһаар буолбут сириттэн 62 саастаах дьахтар өлүгүн булбуттара.
