25 От ыйа 25.07
  • 29°
  • $ 86,55
  • 94,38

Тааттаҕа уус дьиэтэ арылынна. 12 үлэ миэстэтэ тэрилиннэ

Хаартыска: Симэх киин
Читайте нас на
Яндекс Новости
ЯДВ
Ытык Таатта сиригэр “Симэх” Национальнай киин уонна Таатта улууһун администрациятын Сөбүлэһиилэригэр олоҕуран Былатыан Ойуунускай аатынан Тааттатааҕы народнай театр дьиэтигэр Уус дьиэтэ арылынна.
Уус дьиэтин арыллыытыгар Б.Ф.Неустроев-Мандар Уус, Тааттааҕы норуот айымньытын директора Г.Г. Вырдылин, Таатта улууһун мунньаҕын бэрэссэдээтэлэ П.П. Максимов, “Симэх” норуот искусствотын уонна уус-уран оҥоһуктарын Национальнай Киинин уус-уран оҥоһуктары сайыннарар салаатын салайааччыта Д.К. Осипов кыһыл лентаны быстылар, эҕэрдэ тыл эттилэр.
Уус дьиэтигэр тимиринэн гравировка, маһынан, туоһунан, туойунан, кылынан-сиэлинэн, сахалыы таҥастары тигиигэ, талах оҥоһуктарга, оҕуорунан, тириинэн иистэниигэ, сувенир оҥоруутугар, муостан, ювелирнай оҥоһуктарга барыта 12 үлэ миэстэ тэрилиннэ.
12 көрүҥҥэ олохтоохторго анаан араас маастар-кылаастар ыытыллыахтара. “Уус Дьиэтэ” уран тарбахтаахтар түмсүүлэрэ маастардар үлэлиир, уһанар миэстэлэринэн буолуоҕа. Түгэнинэн туһанан Таатта улууһун маастардарын галереята аһылынна. Бу күн Таатта улууһун маастардарын быыстапката тэрилиннэ, суруйда «Симэх» киин.
Следите за самым важным и интересным в Telegram-канале и WhatsApp-группе ЯСИА