28 Тохсунньу 28.01
  • -48°
  • $ 73,82
  • 83,32

Тааттаҕа дьиэ кэргэн сылын астылар

09:55, 02 февраля 2017
Текст:

Ааспыт ый бүтэһик күнүгэр Таатта улууһугар Былатыан Ойуунускай аатынан норуот тыйаатырыгар Россияҕа – Экология, Саха сиригэр – Ыччат, оттон улууска – Дьиэ кэргэн сылын аһыы үөрүүлээх сиэрэ-туома ыытылынна. Бу туһунан edersaas.ru көрүҥ.


Тэрээһин чэрчитинэн, «Үүнэ-чэчирии тур, мин – Тааттам», «Ытык ыал ыччата, төрүт ыал төрүөҕэ» бырайыактар сүрэхтэннилэр. Маны таһына «Таатта кэрэ көстүүтэ» хаартысканан быыстапка ыытылынна.Үгүс көрөөччү сэҥээрдэ.

Анна Яковлева, улуус дьаһалтатын исписэлииһэ «Эдэр саас» сайтка манныгы иһитиннэрдэ:

Бу күн айылҕа харыстабылын үлэһиттэрэ уонна уопсастыбаннай  түмсүүлэр, өрөспүүбүлүкэҕэ уонна улууска дьиэ кэргэн күрэстэрин кыайыылаахтарын параада үгүс киһи интэриэһин тарта. Итиэннэ «Туймаада» ҮАПХ  генеральнай дириэктэрэ уонна Таатта улууһун баһылыгын икки ардыгар бииргэ үлэлээһин сөбүлэҥэр илии баттаһыы буолла.

2017 сыл бүтүүтэ номинацияларынан улууска бастыҥнары быһаарыахтара. Ол курдук Экология хайысхатынан «Эппиэтинэстээх тэрилтэ», «Бастыҥ эколог-сырдатааччы», «Экология сылын түмүгүнэн бастыҥ нэһилиэк», ыччат сылынан «Сыл бастыҥ түмсүүтэ», «Сыл бастыҥ лидерэ», «Ыччаты кытта үлэлиир сыл бастыҥ баһылыга», итиэннэ Дьиэ кэргэн сылынан анал номинациялар туттарыллыахтара.

Таатта Дьиэ кэргэн сылын саҥа начаалынньыктаах көрүстэ. Улуус дьаһалтатын ыччат дьыалаларын уонна дьиэ кэргэн бэлиитикэтин салаатын начаалынньыгынан Константин Егоров ананна.

0
0
28 января 28.01
  • -48°
  • $ 73,82
  • 83,32