16 От ыйа 16.07
  • 17°
  • $ 87,81
  • 95,78

Сунтаарга ыанар ынах ахсаана 5796 төбө. Бу бастыҥ көрдөрүү

11:44, 19 февраля 2016
Текст:
Читайте нас на
Яндекс Новости
ЯДВ

Сунтаар улууһа ынах сүөһү ахсаанынан өрөспүүбүлүкэҕэ 5-с миэстэҕэ сылдьар. «Үс сыллааҕыта 13752 ынах сүөһүлээх этибит. 2015 сылга өрөспүүбүлүкэ тыатын хаһаайыстыбатын министиэристибэтэ 13810 төбөҕө диэри элбэтэрбитигэр сорудах биэрбитэ. Ону 13841 сүөһүгэ тириэрдэн, былааммытын 100,2% толордубут», — диир улуустааҕы тыа хаһаайыстыбатын управлениетын начальнига ИванТихонов. 


Ыанар ынах ахсаанынан өрөспүүбүлүкэҕэ бастакылар. 2014 сыллаахха 5601 ыанар ынахтаах буоллахтарына, ааспыт сыл түмүгүнэн бу сыыппараны 5796-ҕа тириэрдибиттэр. Инньэ гынан, былааннарын 102,7% толорбуттар.

Элбэх ыанар ынахтаах сунтаардар үүтү туттарыыга үчүгэйдэр ахсааннарыгар сылдьаллар. Үөһээ Бүлүү улууһун кэнниттэн иккистэр. 2015 с. 13648 т үүтү баалабайынан ыан, сорудаҕы 101,6% толорбуттар.
СӨ тыа хаһаайыстыбатын министиэристибэтэ ыытар бэлиитикэтигэр олоҕуран, улуус дьаһалтата, нэһилиэк салалтата тыа сирин сайыннарыы бырагырааматыгар киллэрэн, саҥа арочнай уонна каркаснай 19 сүөһү хотонун бэйэ кыаҕынан тутууга күүстээх үлэ барбыт. 2015 сыллаахха итинтэн 10 хотон сэтинньигэ үлэҕэ киллэриллибит. Быйыл Элгээйигэ, Тойбохойго 100-түү төбөҕө, уоннааҕылара 50-нуу миэстэлээх хотоннор киирэллэрэ былааннанар.
Сүрүн болҕомто сүөһү аһыгар ууруллар, ол аата сири кытта үлэҕэ. Бааһынайдар ыһыы ыһарга анаан күрүө-хаһаа туттуохтара. «Билиҥҥи туругунан 1 га сиртэн 1 т оту ылар буоллахпытына, сирбитин үчүгэйдик оҥостон, сүөһү сиир аһын базатын тэрийэн, 1 га сиртэн 4 эбэтэр 5 т үүнүүнү ылар соругу туруорунабыт», — диир начальник. Маннык кэскиллээх үлэлэр ордук киэҥ ходуһалардаах Күндэйэ, Сунтаар, Элгээйи бааһыналарыгар, Куокунуга, Улахан Табаҕаҕа ыытыллыахтара.

Следите за самым важным и интересным в Telegram-канале и WhatsApp-группе ЯСИА