Сунтаардааҕы дьарыктаах буолуу киинэ 14-тэн 18-гар диэри саастаах оҕолору сыллата сайыҥҥы кэмҥэ быстах үлэнэн хааччыйар.
Быйыл сайыҥҥы сынньалаҥ кэмигэр оҕолору үлэнэн хааччыйарга улуус нэһилиэктэрин дьаһалталара, сүрүннээн нэһилиэги тупсарыыга, уонна олохтоох бүддьүөт суотугар агрооскуолалар дуогабар түһэрсэннэр, оҕолору үлэнэн хааччыйдылар. Ол курдук билиҥҥи туругунан, 99 сокуоннай сааһын ситэ илик оҕо үлэнэн хабыллан, үлэлии-хамсыы сылдьаллар.
Оҕону каникул кэмигэр үлэнэн хааччыйыы оҕо сайыҥҥы сынньалаҥы туһалаахтык атаарарыгар, дьарыктаах буоларыгар, кылгас болдьохтоох дуогабарынан хамнас аахсарыгар туһуланар.
«Сунтаар сонуннара» хаһыат, Надежда Яковлева хаартыскаҕа түһэриилэрэ
