18 Ыам ыйа 18.05
  • -7°
  • $ 104,68
  • 115,6

Судаарыстыбаннай уонна муниципальнай үлэһиттэр ахсааннара 30 % аччыаҕа

15:24, 17 декабря 2019
Текст:

Кэлэр үс сыл иһигэр өрөспүүбүлүкэ судаарыстыбаннай уонна муниципальнай үлэһиттэрин ахсаана 30 %-ҥа тиийэ аччыаҕа.


«СӨ баһылыгын уонна бырабыыталыстыбатын дьаһалтатыгар 2020 сыл маҥнайгы чиэппэрэ түмүктэниэр диэри, судаарыстыбаннай уонна муниципальнай сулууспалаахтар ахсааннарын аччатыы туһунан этиилэри киллэрэргитигэр соруйабын. Үлэһиттэр ахсааннарын аҕыйатыы судаарыстыбаннай уорганнар бары хайысхаларын таарыйыаҕа, бырабыыталыстыбаттан саҕалаан, олохтоох бэйэни салайыныы уорганнарыгар тиийэ», —  диэн Ил Дархан Айсен Николаев Ил Түмэҥҥэ үгэс буолбут Анал этиитигэр иһитиннэрдэ.

Маны тэҥэ, судаарыстыбаннай тэрилтэлэр тутулларыгар улахан уларыйыылар күүтэллэрин, салайар үлэһиттэр ахсааннарын аччатыы салҕанарын туһунан бэлиэтээтэ.

«Элбэх кыһалҕаны быһарыы боппуруоһа саппаас кыах тиийбэтиттэн тутулуктанар буолбатах. Өрөспүүбүлүкэ экономиката, инфраструктурата, социальнай эйгэтэ сайдыытыгар хаһааҥҥытааҕар да элбэх үп көрүллэр. Улахан судаарыстыбаннай аппарат хаһан даҕаны көдьүүстээх салайыы мэктиэтинэн буолбатаҕа», — диэн Айсен Николаев бэлиэтээтэ.

Кини этэринэн, салайыы көдьүүһэ аныгы технологиялары туһаныы, судаарыстыбаннай уонна муниципальнай сулууспалаахтар билиилэрин кыаҕын үрдэтии, хас биирдии салаа уонна исписэлиис аналлаах үлэтин систиэмэтин сааһылааһын нөҥүө үрдүөхтээх.

Следите за самым важным и интересным в Telegram-канале и WhatsApp-группе ЯСИА
0
0