Экология министиэристибэтин уонна «Рослесзащита» филиала — «Центр защиты леса Республики Бурятия» тэрилтэ уонна ирбэт тоҥ институтун сотрудниктара Намныыр суол ойууругар солколоох үрүмэччи баар сирин учуокка ыллылар. СИА суруйар.
Санатар эбит буоллахха, солколоох үрүмэччи Дьокуускай кытыытынан, Нам уонна Хаҥалас улуустарыгар олохсуйбуттара былырыын биллибитэ.
Чинчийии үлэтин кэмигэр ахсааннара уонна үөскээһиннэрин характеристиката быһаарылынна. Бу экосистиэмэ уларыйыытын быһаарыыга уонна ол уларыйыыларга борогунуос биэриитин быһыытынан этиллэр. Исписэлиистэр солколоох үрүмэччи ыаматын учуоттаатылар уонна лабораторнай чинчийиигэ ыллылар. Биир маска 50-тан тахса буортулааччы үөн баара быһаарылынна.
Ойууру кэтээн көрөр Департамент старшай госинспектора Николай Никитин эппитинэн, өскөтүн быйыл бу буортулаах үөннэри уодьуганныырга миэрэ ылыллыбатаҕына, киин уонна илин эҥэр улуустарга тарҕанар кутталлаах.
