16 От ыйа 16.07
  • 20°
  • $ 87,81
  • 95,78

Сииттэлэр "Тымныы оҕонньор бирииһигэр" оонньуулара саҕаланна

Хаартыска: Марианна Сивцева
Читайте нас на
Яндекс Новости
ЯДВ

Сииттэ нэһилиэгэр саҥа сылы көрсө «Тымныы оҕонньор бирииһигэр» аналлаах, олус бэртээхэй күрэхтэһиилэр буолан аастылар. Бильярдка уонна остуол тенниһигэр нэһилиэкпит көхтөөх эр дьоно күөн көрсөн, күүс былдьаһан, ким мындыр толкуйдааҕын, ким сымса хамсаныылааҕын быһаарыстылар.

Күрэҕи олохтоох дьаһалта уонна нэһилиэк ыччатын лидера көҕүлээн, тэрийэн ыыттылар. Барыта бильярд күрэҕэр 8, теннискэ 9 кыттааччы баар. Тыҥааһыннаах киирсии түмүгүнэн бильярдка Сииттэ орто оскуолатын 10 кылааһын үөрэнээччитэ Расулов Салим бастаата, иккис миэстэни Прокопий Степанов уонна бочуоттаах үһүс миэстэни Матвей Гуляев тиксэн үөрүүлэрэ үгүс.

Остуол тенниһигэр бастакы миэстэни Матвей Гуляев, иккис миэстэни Петр Степанов, үһүс миэстэни Сииттэ орто оскуолатын үөрэнээччитэ Салим Расулов ылыан ылла.

Кыайыылаахтар бары олохтоох дьаһалта баһылыга Семен Тимофеев туруорбут иккилии тыһыынчалаах сертификаттарынан, анал суруктарынан бэлэх тутан олус астыннылар.

Нэһилиэкпит эр хоһууттарын сэргэхситээри, спортзал дьиэтигэр муста, бүгүҥҥү тэрээһин кылаабынай судьуйатынан үлэлээтэ — хамсаата Федор Петров. Киниэхэ күүс-көмө буолла олохтоох дьаһалта баһылыгын солбуйааччыта Петр Степанов.

Ааптар: Марианна Сивцева, «Дабаан» хаһыат.

Следите за самым важным и интересным в Telegram-канале и WhatsApp-группе ЯСИА