29 Кулун тутар 29.03
  • -13°
  • $ 92,26
  • 99,71

«Сибэккилэр түһүүллэр» кэнсиэр Гаврил Николаевка ананар

Читайте нас на
Яндекс Новости
ЯДВ

«Туймаада» судаарыстыбаннай вокальнай ансаамбыл Саха Өрөспүүбүлүкэтигэр Ийэ күнүн бырааһынньыктааһын чэрчитинэн «Ийэбэр аныыбын» кэнсиэри бар дьонугар бэлэхтээтэ.


П.Ойуунускай аатынан Саха тыйаатырыгар кэлбит көрөөччүлэр, мэлдьи буоларын курдук, ансаамбыл ырыаһыт кыргыттарын-уолаттарын ытыс тыаһынан көрүстүлэр. Бу күн саха хоһоонньуттара, мелодистара айбыт ийэ туһунан ырыалара ураты истиҥник иһилиннилэр.

Ансаамбыл састааба биллэ уларыйбыт. Ол курдук, Мария Максимова, Туйаара Попова, Елена Кононова, Айталина Спиридонова, Николай Роббек, Андрей Шадрин, Гаврил Васильев, Мария Иванова диэн кэрэ куоластаах ырыаһыттар кэлбиттэрэ көрөөччүлэри өссө сэргэхситтэ.

Кэнсиэри салайан ыыппыт Мария Соболева сэтинньи 12 күнүгэр Опера уонна балет тыйаатырыгар «Сибэккилэр түһүүллэр» диэн улахан кэнсиэр буоларын туһунан иһитиннэрдэ. «Туймаада» бу кэнсиэрэ ансаамбыл биир тутаах солиһынан сылдьыбыт, талааннаах уонна биллиилээх ырыаһыт Гаврил Николаев сырдык кэриэһигэр ананыаҕа. Бу күн Гаврил Николаев репертуарыттан кини талааныгар сүгүрүйээччилэр куттарын туппут ырыалары ансаамбыл артыыстара толоруохтара.

Кэнсиэртэн киирбит харчы сорҕото Гаврил дьиэ кэргэнин уонна вокалистар Г.Николаев аатынан өрөспүүбүлүкэтээҕи куонкурустарын өйөөһүҥҥэ ыытыллыаҕа. Куонкурус сэтинньи 30 күнүгэр ырыаһыт төрөөбүт дойдутугар Үөһээ Бүлүүгэ буолуоҕа. Гаврил кыттыылаах «Туймаадалар» кэнсиэртэриттэн аудио уонна видеоальбомнар бэлэмнэнэллэр.

«Туймаада» ансаамбыл кэнсиэртэр кэнниллэриттэн Үөһээ Бүлүү улууһугар гастролга баран, өрөспүүбүлүкэ вокальнай искусствотын чаҕылхай сулуһа Гаврил Николаев кэриэһигэр анаммыт куонкуруска кыттыаҕа.

Следите за самым важным и интересным в Telegram-канале и WhatsApp-группе ЯСИА