25 От ыйа 25.07
  • 24°
  • $ 86,55
  • 94,38

Сэбээн Күөлү бөрөлөр буулаатылар

17:35, 09 февраля 2017
Текст:
Читайте нас на
Яндекс Новости
ЯДВ

Кэбээйи Сэбээн Күөлүн бөрө үөрэ буулаабыт диэн сураҕы истэн, Ламыҥха нэһилиэгин дьаһалтатыгар  «Саха сирэ» хаһыаттан эрийэн кэпсэппиттэр. Бу туһунан edersaas.ru сурулунна.


Кырдьык, бу күннэргэ биһиги сирбитигэр-уоппутугар бөрө үөрэ кэллэ. Ол курдук, 6 №-дээх ыстаадабытыгар 60-ча бөрө буулаата диэн спутниковай сибээс нөҥүө табаһыттар иһитиннэрдилэр. Онон табалары, сылгылары даҕаны аймыы аҕай сылдьаллар. Бу 6-с ыстаадабыт дэриэбинэттэн 120-150 км. сиргэ баар. Сур бөрөлөрү  табаһыттар бэйэлэрэ бултууллар. Анал биригээдэ тэрийиэхпитин, кистээбэккэ эттэххэ, тиэхиньикэбит да суох, киһи да тиийбэт курдук. Дьиҥэ, анал хамнастаах биригээдэ тэрийэр киһи, дьон бултуо этэ. Онон кыһалҕаттан, ыксаан СӨ Тыа хаһаайыстыбатын министиэристибэтигэр вертолетунан бултатыҥ диэн сайаапка түһэрдибит. Саҥа дьыл кэнниттэн бөрөлөр 100 тахса табабытын тартылар, — диэтэ нэһилиэк дьаһалтатын тыа хаһаайыстыбатын исписэлииһэ Дмитрий Бурцев.

Дмитрий Иннокентьевич, 60-ча бөрө диэн тугун элбэҕэй? Урут итинник кэлэн ааспыттара иһиллэр дуо?

—  Кырдьаҕастар этэллэринэн, урут биирдэ итинник ааҥнаан кэлэ сылдьыбыттар үһү. Дьиҥэ, кэнники сылларга элбээбитэ 30-ча буолар этэ.

Санатан эттэххэ, быйылгы кыстыкка Сэбээн Күөлгэ ГУП уонна кэтэх ыал табатыныын уопсайа 6800 таба кыстаан турар. Дьэ, итинник тоҕо ааҥнааһын кэнниттэн ороскуот элбиирэ буолуо.

Следите за самым важным и интересным в Telegram-канале и WhatsApp-группе ЯСИА