От ыйын 3 — 7 күннэригэр Дьокуускайга 31-с төгүлүн ССРС народнай учуутала Михаил Алексеев аатынан «Туймаада» норуоттар ардыларынааҕы үөрэнээччилэр олимпиадалара математикаҕа, физикаҕа, химияҕа уонна информатикаҕа буолар. Ол туһунан үөрэх министиэристибэтэ иһитиннэрдэ.
Олимпиада 200 үөрэнээччини Россияттан, Индонезияттан, Румынияттан, Казахстантан уонна Монголияттан түмүөҕэ. Россияттан Новосибирскай, Пенза, Свердловскай уонна Москва уобаластарыттан, Татарстантан уонна Мордовияттан кыттыахтара. Маны сэргэ Кыргызстан, Ростовскай уонна Иркутскай уобаластар хамаандалара кытталлара былааннанар. Саха сириттэн икки хамаанда күөн көрсүөҕэ — юниордар уонна улахаттар.
Бастакы миэстэтигэр ыытыллар чааһа Саха сиринээҕи наука дьоҕус академиятыгар ыытыллар, кэтэхтэн киэбинэн — Moodle платформаҕа ProctorEdu видеонан кэтээн көрүү систиэмэтин туһанан барыаҕа.
Өй күрэҕэ икки күн тэриллэр. Күҥҥэ биэстии чаас математика, физика, химия уонна информатика уустук садаачаларын суоттуохтара. Сорудахтар нууччалыы уонна английскайдыы суруллубут буолуохтара.
