Байыаннай дьайыыга сылдьыбыт байыастарга, кинилэр дьиэ кэргэттэригэр мэдиссиинэ көмөтө, доруобуйаларын чөлгө түһэриилэригэр ыытыллар үлэ салҕанарын туһунан СӨ доруобуйа харыстабылын миниистирин бастакы солбуйааччы Дмитрий Сергин брифинг кэмигэр иһитиннэрдэ.
Бэлиэтээн эттэххэ, олохтоммут бэрээдэгинэн байыаннай дьайыыттан кэлбит байыас олорор сиригэр сыһыарыылаах поликлиникатыгар сибээскэ тахсан, 122 диэн суһал сибээс нөҥүө суруйтарар. Байыастарга анал мэдиссиинэ көмөтө оҥоһуллар.
«Санаторнай-курортнай эмтэниини 49 байыас, ону сэргэ «Бэс Чагда» санаторийга байыаннай сулууспалаахтар дьиэ кэргэттэриттэн 82 киһи эмтэммит. Маны таһынан психотерапевт уонна психиатр көмөтө 170 байыаннай сулууспалаахха уонна 107 дьиэ кэргэҥҥэ оҥоһуллубут», – диэн бэлиэтээтэ Дмитрий Сергин.
Ульяна Захарова, Саха сирэ
