Бырайыак салайааччыта, институт сүрүннүүр научнай сотруднига, филологическай наука кандидата Наталья Попова бэлиэтээбитинэн, корпус саха тылын үөрэтиигэ уонна харыстааһыҥҥа сүрүн инструмент буолуоҕа.
«Бастаан биһиги лингвистика чинчийиилэрин корпуһун оҥорорго былааннаабыппыт, билигин киэҥ аудиторияҕа суолталааҕын биллибит. Саха тылын үөрэтиигэ, харыстааһыҥҥа, киэҥ араҥаҕа биллэриигэ фундаментальнай төрүт быһыытынан сулууспалыаҕа», — диэтэ кини.
Электроннай киэбинэн сахалыы тылынан тиэкистэр хомуурдарын корпус хомуйар. Литературнай айымньы, научнай, үөрэх, фольклор, итэҕэл тиэкистэрэ киирэллэр, СМИ, социальнай ситимнэр, интернет-пуорумнар матырыйааллара мустар.
Корпуска 15 мөл тыл туттуллуута киирдэ, салгыы 20 мөл тириэрдэр сорук турар. Үлэ Арктикатааҕы култуура уонна искусство институтун сотрудниктарын кытта тэҥинэн ыытыллар.
Сэттэ түһүмэхтээх:
- тиэкис куорпуһа (литературнай/литературнайа суох);
- морфологическай анализатор;
- грамматика таблицанан бэриллиитэ;
- дааннайдар баазалара (топонимнар, диалектизм, фразеологизм, архаизм, тиэрминнэр, аат тыл уонна глагол, тус аат уонна араспаанньа);
- тылбаас (тиэрмин, 15 туомнаах улахан саха тылын тылдьыта);
- «Бырайыак туһунан» билиһиннэрии;
- «Көмө» ыспыраапкалаһар сир.
