Саха сириттэн төрүттээх тустууктар Виктор Рассадин уонна Айаал Лазарев Парижка буолар сайыҥҥы Олимпиадаҕа кыттар путевкалары туттулар. Ол туһунан «Триумф» пресс-сулууспата иһитиннэрдэ.
Көҥүл тустуу бөҕөһө Виктор Рассадин Стамбул лицензиялаах турнирын кыайда, Чермен Валиевы 2:3 ахсааҥҥа хотто. Айал Лазарев 2:12 көрдөрүүлээх Даниэль Лигетины куоһарда.
«Тустууга саха оскуолатын иитиллээччилэрин эҕэрдэлиибин! Саҥа кыайыыларга иннигит хоту баран иһиҥ, Саха сирэ бүттүүн эһигинэн киэн туттар!» — Ил Дархан Айсен Николаев спортсменнары эҕэрдэлээтэ.
Эрдэ олимпийскай оонньууларга путевкалары Арыйан Тютрин уонна Георгий Окороков туппуттара.
