РФ президенэ Владимир Путин Ыйааҕынан Сунтаар улууһун «Кириэстээх» тыа хаһаайыстыбатын кээпэрэтиибин ыанньыксыта Владимир Африканович Михайловка «Российскай Федерация Үлэ Геройа» аат иҥэрилиннэ.
«Үлэтигэр бэриниилээх дьонунан биһиги өрөспүүбүлүкэбит аар-саарга биллэр. Ол туоһутунан бу наҕараада буолар», — диэн Владимир Африкановиһы Telegram-ханаалыгар Ил Дархан Айсен Николаев эҕэрдэлээтэ.
«Владимир Африкановиһы дьоһуннаах наҕараадаҕынан истиҥник эҕэрдэлиибин. Сахаҥ сирэ эйигинэн киэн туттар!»,— суруллар иһитиннэриигэ.
Үлэ Геройа аат Россия биэс олохтооҕор ананна.
Хаартыска: Алексей Никольскай/ ТАСС
