«Якутия с тобой!» өрөспүүбүлүкэтээҕи уопсастыбаннай хамсааһын анал байыаннай дьайыы кыттыылаахтарыгар анаан «Помогаем нашим!» аахсыйаны биллэрдэ. Ол туһунан сэтинньи 28 күнүгэр буолбут брифиҥҥэ #МЫВМЕСТЕ регионнааҕы салаатын салайааччыта Айыллаан Винокуров эттэ.
«Байыастарга эбии сылаас таҥас, медикамент, бородуукта, гигиена сириэстибэтэ, хаһаайыстыбаннай табаар наада», — диэтэ кини.
Айыллаан Винокуров бэлиэтээбитинэн, штаб икки хайысханан үлэлиир. Бастатан туран, СВО кыттыылаахтарын дьиэ кэргэттэригэр көмө, иккиһинэн, байыастарга бэйэлэригэр анаммыт гуманитарнай көмө хомуура.
«Биһиги волонтердарбыт элбэх көмө оҥороллор, сайаапкалары 122 линиянан ылаллар, эбии нүөмэр «6», – диэтэ кини.
Көмө хомуллар аадырыһа: Дьокуускай , Бестужев-Марлинскай уулуссатын 5 дьиэтэ, 1 корпус.
