«Сэргэлээх уоттара» култуура киинигэр устудьуоннар этэрээттэрин өрөспүүбүлүкэтээҕи сүлүөтэ буолла. Сайыҥҥы үлэ түһүмэҕин түмүктээтилэр. Быйыл хамсааһын тэриллибитэ 65 сыллаах үбүлүөйүн уона аныгы этэрээттэр историялара саҕаламмытын 20 сыла бэлиэтэннэ. Ыччат дьон үлэлэрин уонна ситиһиилэрин бэлиэтии түмүстүлэр. Биэс номинациянан бастыҥнары таллылар.
2024 сылга устудьуон этэрээттэрин биэс тыһыынча байыаһа өрөспүүбүлүкэ араас улууһугар үлэлээтэ, ол иһигэр уу халааныгар эмсэҕэлээбит Нам уонна Ленскэй оройуоннарыгар.
Ил Дархан Айсен Николаев видео-эҕэрдэ ыытта. Онно бэлиэтээбитинэн, Саха сирин экономикатыгар уонна социальнай сайдыытыгар устудьуоннар тутар этэрээттэрэ биллэр кылааты киллэрэр.
Хаартыска: Саргын Скрябин/ЯСИА
«Лучший командир», «Лучший комиссар», «Лучший боец студенческих отрядов», «Лучший отряд» уонна «Лучший работодатель студенческих отрядов» номинациялар туттарылыннылар.
Хаартыска: Саргын Скрябин/ЯСИА
Хаартыска: Саргын Скрябин/ЯСИА
«Устудьуон этэрээттэрэ — бу саамай улахан уонна күүстээх тэрилтэ, дириҥ уопуттаах. 65 сыл устата устудьуоннар ыыппыт үлэлэрэ өрөспүүбүлүкэ социальнай-экономическай сайдыытыгар улахан кылаат буолар. Быйыл биэс тыһыынча устудьуон үлэлээтэ. Биһиги история салҕанан баран иһэриттэн киэн туттабыт», — диэтэ ыччат миниистирин бастакы солбуйааччыта Надежда Мохначевская.
Бу күн «Российские студенческие отряды» ыччат хамсааһынын Саха сиринээҕи салаатын салайааччытын талыы буолла, Олег Сергучев ааттанна.
Хаартыска: Саргын Скрябин/ЯСИА
Хаартыска: Саргын Скрябин/ЯСИА
Хаартыска: Саргын Скрябин/ЯСИА
