Олимпийскай, олимпийскайа суох, спорт национальнай уонна адаптивнай көрүҥнэригэр 2022 сыл түмүгүнэн бастыҥ спортсменнары чемпионнар баалларыгар этиэхтэрэ. 10 чулуу спортсмены бэлиэтээһин ахсынньы 23 күнүгэр «Сэргэлээх уоттара» култуура киинигэр буолуоҕа.
Спортивнай бириэмийэ кыайыылаахтарын куоластааһын түмүгүнэн экспертиир хамыыһыйа быһаарда. Састаапка спорт министиэристибэтэ, туһааннаах биэдэмистибэлэр, спорт бэтэрээннэрэ, уопсастыбаннай деятеллэр уонна спортивнай суруналыыстар киирдилэр.
Чемпионнар баалларыгар анал номинациялар баар буолуохтара «За служение спорту», «Лучший тренер года», «Лучший судья», «Лучшее муниципальное образование», «Лучшая спортивная общественная организация», «Лучший спортивный общественный организатор», «Меценат года», «Лучший организатор по ГТО» уонна «Лучший спортивный обозреватель».
Үөрэх министиэристибэтэ спортсмен оҕолору эҕэрдэлиэҕэ, эҕэрдэлээччилэргэ «Сахаада-спорт» спорт национальнай көрүҥнэригэр уонна норуот оонньууларыгар Ассоциация кыттыаҕа — ураты көрдөрүүлэммит спортсмены бэлиэтиэҕэ.
Чемпионнар бааллара ахсынньы 23 күнүгэр 18.00 чааска буолуоҕа. Билиэттэри «Сэргэлээх уоттара», Өксөкүлээх Өлөксөй аатынан норуоттар доҕордоһууларын дьиэтиттэн уонна сайтка ылыахха сөп.
