24 Ыам ыйа 24.05
  • -7°
  • $ 104,68
  • 115,6

Саха сирин парламена сессиятын дьиэттэн тахсыбакка олорон ыытыан сөп

18:08, 06 апреля 2020
Текст:

Саха сирин парламенын бастакы вице-спикера Александр Жирков эппитинэн, Ил Түмэн үлэтэ коронавирустан сылтаан тохтуо суохтаах, мунньаҕы тэйиччиттэн да ыытар кыах баар.


«Саха сирин парламена, судаарыстыбаннай былаас уорганын быһыытынан, дьаҥ этэҥҥэ ааһарын кэтэһэн олоруо суохтаах. Оннук гынар буоллахпытына, биһиги өрөспүүбүлүкэ олоҕор олус суолталаах сокуоннары ылыыныыга хойутуохпутун сөп. Кэлин ону барытын коронавируска сыҕайар кыахпыт суох буолуоҕа», — диэтэ парламентарий.

Александр Жирков эппитинэн, сүрүн быһаарыылары барытын пленарнай мунньахтарга ылыналлар, онон итини бүгүн да ыытар кыах баар, холобур, видеоконференция эрэһииминэн.

«Бытаарар сатаммат. Быһаарыыны ылына охсон, үлэлиэхпитин наада», — диэтэ кини.

Следите за самым важным и интересным в Telegram-канале и WhatsApp-группе ЯСИА
0
0