28 Кулун тутар 28.03
  • -12°
  • $ 92,59
  • 100,27

Саха сирин орто үөрэҕин устудьуоннарыгар социальнай мэктиэ ыспыраапката суох бэриллиэҕэ

Читайте нас на
Яндекс Новости
ЯДВ

Муус устар 14 күнүгэр СӨ үөрэҕин миниистирэ Владимир Егоров профессиональнай үөрэх тэрилтэлэрин устудьуоннарыгар өйөбүлү тэрийэр туһунан бирикээс таһаарда. Дьаһал коронавирус инфекциятыттан сэрэтэр сыаллаах ылылынна. Регион министиэристибэтин пресс-сулууспата СИА-ҕа иһитиннэрдэ.


Бирикээскэ олоҕуран, Саха сирин колледжтарыгар, техникумнарыгар үөрэнэр социальнай өйөбүл миэрэлэрин ыла сылдьар кыаммат ыал оҕолоругар төлөбүрү — социальнай стипендияны, аска уонна дьиэттэн үөрэнэр сиргэ диэри айаҥҥа харчынан компенсацияны 2020 сыл алтынньы 1 күнүгэр диэри уһатан биэриэхтэрэ. Эбии ыспыраапка, сайабылыанньа көрдөөбөттөр.

Эрдэ маннык миэрэни туһамматахтар, ити эрээри тустаах мэктиэҕэ сөп түбэһээччилэр, СӨ бырабыыталыстыбатын нуорма-быраап акталарыгар олоҕуран, e-yakutia.ru портал нөҥүө ыытыллыбыт электроннай ыспыраапкаҕа олоҕуран бэриллэр.

Кумааҕынан ыспыраапкалар коронавирус инфекциятынан харантыын уһулуннаҕына биирдэ тиксэриллэллэр.

Следите за самым важным и интересным в Telegram-канале и WhatsApp-группе ЯСИА