16 Ыам ыйа 16.05
  • -7°
  • $ 104,68
  • 115,6

Саха сирин олохтоохторо үлэ ырыынагын электроннай көрүҥүнэн үөрэтэллэр

16:22, 31 марта 2020
Текст:

Өрөспүүбүлүкэ дьарыктаах буолууга сулууспата дьону https://zan.sakha.gov.ru/интерактивнай портал нөҥүө приемнуур. «Мин үлэм» офис салайааччыта Мария Слепцова СИА-ҕа биллэрбитинэн, билигин дьон дьиэттэн тахсыбакка олорон учуокка туруон эбэтэр үлэ булуон сөп. 


«Дистанционнай эрэһиимҥэ көһүөхпүтүттэн аҕыйах хонук иһигэр сүүстэн тахса киһи сибээскэ тахса сырытта. Дьон учуокка хайдах баҕарар туруон сөп — электроннай почтанан, WhatsApp-приемнайынан, онтон да атын варианнар бааллар. Толоруллар былааҥкалар, дааннайдар барыта порталбытыгар бааллар», — диэтэ Мария Слепцова. Кини эбэн эппитинэн, докумуоннар сканерданан куопуйалара ыытыллар.

Докумуоннарын толору ыыппыттар учуокка тураллар.

Офис салайааччыта эппитинэн, муус устар 6 күнүттэн приемҥа кэлиигэ 30 — 40 киһи суруйтарбыт, ити эрээри үлэ син биир дистанционнайдык ыытыллара былааннанар.

Следите за самым важным и интересным в Telegram-канале и WhatsApp-группе ЯСИА
0
0