Саха сирин сүүмэрдэммит хамаандатын доруобуйаларынан хааччахтаах түөрт спортсмена оҕунан ытыыга Россия Кубогар кыттыахтара. Ол туһунан спортка бэлэм киинэ иһитиннэрдэ, суруйар ЯСИА.
Састаапка киирдилэр — Паралимпийскай оонньуулар боруонса призердара Степанида Артахинова, Россия Кубогын хаһаайыттара уонна призёрдара Виктор Скрыбыкин, Дьулустан Захаров, Валентина Павлова.
Дойду күрэхтэһиитэ бэс ыйын 26 күнүгэр Алексинаҕа саҕаланна, от ыйын 1 күнүгэр түмүктэнэр. Барыта сүүсчэ спортсмен кыттар дойду 20-тэн тахса регионуттан.
