23 От ыйа 23.07
  • 21°
  • $ 87,78
  • 95,76

Саха сирин фермерэ Михаил Павлов: Ил Дархан ыйааҕа ыччат тыа сирин диэки хайыһарыгар көмөлөһүөҕэ

13:00, 19 июня 2017
Текст:
Читайте нас на
Яндекс Новости
ЯДВ

Саха сирин фермэрэ Михаил Павлов Егор Борисов таһаарбыт тыа хаһаайыстыбатыгар кадр бэлиитикэтин туһунан ыйааҕа тыа сиригэр ыччаты хайыһыннарыыга уонна бу хайысха көдьүүһэ үрдүүрүгэр туһалыырыгар эрэллээх. 


Михаил Павлов бааһынай хаһаайыстыбата 90-с сыллар бүтүүлэригэр кураанахха тэриллибитэ. Онтон билигин 600-тан тахса сүөһү уонна сылгы тутар. Сүрүн үлэтиттэн — сүөһүнү иитииттэн — таһынан үлэһиттэр от бэлэмнииллэр, хортуоппуй, оҕуруот аһа олордоллор, сылгы көрөллөр.

Бородууксуйатын «Хаҥалас-Ас» тыа хаһаайыстыбатын кээпэрэтиибигэр биэрэр. Ааспыт сылга 300-тэн тахса центнер эти уонна 600-чэкэ туонна үүтү туттарбыта.

«Ил Дархан ыйааҕын биһириибин. Олус наадалаах, тыа сиригэр үлэлиэххэ наада. Саамай кылаабынайа — сөптөөх хамнас наада«, — диэн санаатын этэр Михаил Павлов.

Фермер этэринэн, кадры тыа сиригэр хайыһыннарыы олус ыарахан. Күн бүгүн кини тэрилтэтигэр 30 киһи үлэлиир. Дьон тыа сиригэр олох үлэлии барыан баҕарбатын этэр, тута интернет, сотовай сибээс, олорор дьиэ баар дуо диэн ыйыталаһаллар диир.

«Биһиги өссө пилорама үлэлэтэбит. Кыһын мас бэлэмниибит, сайынын дьиэ тутабыт уонна хаһаайыстыбаҕа наадалаах араас тутуулары ыытабыт. Сылын аайы бааза тутабыт. Мин санаабар, дохуот киириэ«, — диир фермер.

Ыанньыксыт Валентина Ковбаса Хатастан үлэлии кэлбит. «Мин манна барытын сөбүлүүбүн. Михаил биһигини өйүүр уонна көмөлөһөр. Хамнаспыт 25 тыһ.солк. үөһэ. Барыта бэйэҕиттэн тутулуктаах. Төһөнү ыырыҥ элбэҕи быһаарар», — диэн кэпсиир кини.

Следите за самым важным и интересным в Telegram-канале и WhatsApp-группе ЯСИА