Саха сиригэр 805 учаастактааҕы быыбардыыр хамыыһыйа үлэтин саҕалаата. Үс күн устата Саха сирин олохтоохторо СӨ баһылыгын уонна сэттис ыҥырыылаах мунньах норуодунай дьокутааттарын талыахтара. Итиэннэ муниципальнай таһымнаах 85 быыбардыыр хампаанньа үлэлиир.
«Бары учаастактар үлэлэрин Арассыыйа гимнинэн саҕалаатылар. Быыбар үс күн буолуоҕа — балаҕан ыйын 8, 9 уонна 10 күннэригэр», — диэн Саха сирин быыбардыыр хамыыһыйатыгар иһитиннэрдилэр.
Ол курдук, барыта 35 территориальнай быыбардыыр хамыыһыйа, 35 уокуруктааҕы быыбардыыр хамыыһыйа, 805 учаастактааҕы быыбардыыр хамыыһыйа, ол иһигэр 15 баахтабай бөһүөлэтэргэ, мэдиссиинэ тэрилтэлэригэр уонна СИЗО-ҕа быстах кэмнээх хамыыһыйалар тэрилиннилэр.
Саха сирэ
