28 Кулун тутар 28.03
  • -12°
  • $ 92,59
  • 100,27

Саха сирин биэс боксера Россия чемпионатын 1/8 финалыгар таҕыста

10:25, 11 ноября 2019
Текст:
Читайте нас на
Яндекс Новости
ЯДВ

Саха сирин биэс боксера Россия чемпионатын 1/8 финалыгар иккис күн түмүгүнэн инники таҕыста. Күрэхтэһии Самараҕа ыытыллар, сэтинньи 16 күнүгэр түмүктэнэр.


Боксаҕа Россия чемпионатын иккис күнүгэр Саха сириттэн алта спортсмен тахсар, биэһэ кыайар. Ыччат категориятыттан улахаттарга соторутааҕы көспүт, «Дети Азии»  VI оонньууларын кыайыылааҕа Ян Максимов (49 кг) эрэ туоруур. Кини  Красноярскайга ыытыллыбыт Бүтүн Россиятааҕы турнир кыайыылааҕа, Челябинскайтан Дамир Сагатуллины кытта күүстээх киирсиини көрдөрөр, ити эрээри судьуйалар быһаарыларынан хотторууну сурунар.

Россия сүүмэрдэммит хамаандатын лидерэ Василий Егоров 52 кг диэри тувинеһы, Новосибирскай уобалас бэрэстэбиитэлин Мерген-Херел Болат оол эрэллээхтик кыайар. Саха сириттэн Михаил Прокопьев (49 кг) Башкортостан эдэр боксерун Альберт Назиев баһылыыр. Бу кыра ыйааһыҥҥа Борис Сидоров эмиэ кыайыыны сурунар.

52 кг диэри Николай Григорьев Карачаево-Черкесскай өрөспүүбүлүкэ спортсменын Аскер Тамбиевы хотор. Саха сирин боксаҕа оскуолатын ааспыт, Хабаровскайтан кыттар Петр Васильев эмиэ инникилиир.

Санатар эбит буоллахха, бастакы күн Михаил Варламов тувинец Ай-Демир Уржанайы кыайар. Кини үһүс күн Ульяновскайтан Алексей Москвин утары тахсыа.

Следите за самым важным и интересным в Telegram-канале и WhatsApp-группе ЯСИА