13 От ыйа 13.07
  • 18°
  • $ 87,74
  • 95,76

Саха сирин баһылыгын граныгар 360-тан тахса сайаапка киирдэ

Читайте нас на
Яндекс Новости
ЯДВ

Кулун тутар 2 күнүгэр Саха сирин аҕа баһылыга Айсен Николаев гражданскай обществоны сайыннарыыга граннарын куонкурсугар сайаапкалары ылыы түмүктэннэ. Былырыыҥҥы курдук, быйыл эмиэ улуустартан элбэх сайаапка киирдэ — 221, Дьокуускай куораттан — 143, олортон саамай элбэх сайаапка «култуура, искусство, духуобунас сайдыытыгар көмөлөһүү » хайысханан, диэн өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрдэ.

«Барыта 23 грант хайысхатынан, араас эйгэлэргэ бырайыактары олоххо киллэриигэ 364 сайаапка киирдэ. Быйыл эмиэ улуустартан элбэх сайабылыанньа киирдэ. Былырыыҥҥы курдук, саамай элбэх сайаапка Горнай улууһуттан — 34. Чурапчы уонна Мэҥэ- Хаҥалас улуустарыттан 17 сайабылыанньа, Ньурбаттан – 14, Амма уонна Таатта улуустарыттан 13-түү сайабылыанньа киирдэ», – диэн өрөспүүбүлүкэ ыччат уонна социальнай коммуникацияларга миниистирэ Петр Шамаев иһитиннэрдэ.

Саамай элбэх 67 сайаапка «култуура, искусство, духуобунас сайдыытыгар көмөлөһүү» хайысханан киирдэ. «Гражданнар доруобуйаларын харыстааһын, физическэй култуура уонна спорт эйгэтигэр үлэ» хайысханан 50, «дьиэ кэргэн, ийэ, аҕа уонна оҕо аймах өйөөһүнэ» – 39 сайаапка, «гражданнары патриотическай иитии эйгэтигэр үлэ» – 32, «наука уонна үөрэхтээһин эйгэлэригэр бырайыактары өйөөһүн» – 35, «тулалыыр эйгэни харыстааһын» – 25 сайаапка оҥоһулунна.

Сайаапкалары https://grants.yakutia.click/ анал тэриллибит порталга электроннай формаҕа туттулар . Киирбит сайаапкалары барытын критерийдэргэ төһө сөп түбэһэллэрнн бэрэбиэркэлиэхтэр. Куонкурска тиийбит бырайыактары өрөспүүбүлүкэ араас эйгэлэригэр, ол иһигэр оройуоннарыттан тутулуга суох экспертэр сыаналыахтара.

«Куонкурус түмүгүнэн, социальнай хайысхалаах коммерческайа суох бырайыактарга бэрэсэдьиэн пуондата өйүүрүнэн сибээстээн,  90- тан тахса мөл. солк. тыырыллыаҕа. Куонкурус түмүгэ ыам ыйын 15 күнүгэр диэри биллиэҕэ», – диэтэ Петр Шамаев. Ааспыт сылга Саха сирин аҕа баһылыгын граннарын куонкурстарын кыайыылаахтарынан өрөспүүбүлүкэ 80 общественнай тэрилтэлэрэ буоллулар.

Санатан эттэххэ, Саха сирин баһылыгын граннарын ылыы куонкурсугар өрөспүүбүлүкэ сиригэр- уотугар баар үлэлэрин регистрациялаабыт уонна коммерческайа суох тэрилтэлэр эрэ кытталлар.

Сайаапкалары түһэрэ илик дьоҥҥо 2022 сыл кулун тутар 15 күнүгэр диэри рф Президенин граннарын фондатын куонкуруһугар сайаапкалары туттарыахха сөбүн санатабыт.

Следите за самым важным и интересным в Telegram-канале и WhatsApp-группе ЯСИА