Саха сирин 80-тан тахса нэһилиэктэригэр уонна 50-тэн тахса биэрэги харыстыыр тутууларга халаан уута кутталы үөскэтэр, ол иһин ууттан хараанныыр эбии тутуулар оҥоһуллуохтарын наада. Бу туһунан Саха сирин экологияҕа, айылҕаны туһаныыга уонна ойуур хаһаайыстыбатын миниистрин бастакы солбуйааччы Семен Яковлев Ил Түмэн төгүрүк остуолун кэмигэр иһитиннэрдэ, диэн ТАСС. кэпсиир.
«Билигин өрөспүүбүлүкэҕэ көмүскэнэр тутуулары тутууларга 123 ууга барар нэһилиэктэртэн, ол аата 30%, 82-тэ наадыйар. Ордук 52 нэһилиэк маннык тутууга күүскэ наадыйар», — диэтэ Яковлев.
Кини 2011 сылтан 2021 сылга диэри халаан уутуттан көмүскүүр гидротехническай тутуулар Ленскэй, Өлүөхүмэ, Дьокуускай, Ытык-Күөл, Граф Биэрэгэ, Ымыйахтаах нэһилиэктэригэр тутуллубуттарын бэлиэтээтэ. Маны таһынан, Чымнаайы бөһүөлэгэр, Күпсүү, Чапчылҕан сэлиэнньэлэригэр, Уус- Дьааҥы кытылыгар, Аллараа Бэстээх бөһүөлэгэр бөҕөргөтөр тутуулар тутуллубуттарын санатта.
«Бу бөҕөргөтүүлэр быһа холоон, 11,8 млрд солк сыллааҕы хоромньуттан харыстыыллар . Кэнники 10 сылга ыксаллаах быһыыны-майгыны туоратыыга 572 мөл. солк. ороскуоттаммыт, бу ыытыллар үлэ, баранар үп-харчы көдьүүстээҕин дакаастыыр«, — диэн Яковлев эбэн эттэ.
