17 Балаҕан ыйа 17.09
  • 19°
  • $ 73,19
  • 86,89

Саха сиригэр верблюд иитэллэр уонна дыня үүннэрэллэр

Тыа хаһаайыстыбатын биэрэпиһэ Саха сиригэр түмүктэннэ. 65 тыһ тахса киһи кытынна. Дьаһал түмүгэ уратылаах диэн бэлиэтэннэ: региоҥҥа верблюд иитэллэр, арбуз уонна дыня үүннэрэллэр. Ол туһунан СИА-ҕа Сахастат иһитиннэрдэ. 

567 тыа хаһаайыстыбатын тэрилтэтэ, 3280 бааһынай хаһаайыстыба уонна индивидуальнай предприниматель дааннайдарын бэйэлэрэ тиксэрдилэр. Биэрэпиһи суруйааччылар 61 тыһ тус хаһаайыстабалааҕы уонна биирдиилээн хаһаайыстыбалаах дьону 16 оройуоҥҥа ыйыталастылар. Кинилэри сэргэ 416 коммерческайа суох холбоһуктар бэрэссэдээтэллэрэ тэрээһиҥҥэ кыттыыны ыллылар.

Маннык биэрэпис түмүгүнэн ураты дааннайдары билиэххэ сөп. 2021 сыллааҕы биэрэпис көрдөрбүтүнэн, Аллараа Халыма улууһугар Плейстоценовай пааркаҕа 10 верблюд баара бэлиэтэннэ.

Маны сэргэ оройуоттарга арбуз, дыня, клубника хастыы да гектар сиргэ олордуллара сурулунна.

Биэрэпис түмүктүүр дааннайа 2022 сыл IV-с кыбаарталыгар тахсыаҕа.

17 сентября 17.09
  • 19°
  • $ 73,19
  • 86,89