Саха сирин тыатын хаһаайыстыбатын министиэристибэтин исписэлиистэрэ улуустардааҕы тыа хаһаайыстыбаларын салалталарын кытта ууга барбыт тыа хаһаайыстыбатын сирдэрин ааҕыыны ыыталлар уонна сайыҥҥы халаан содулларын туһунан суһал сибидиэнньэлэри хомуйаллар. Бу туһунан ЯСИА-ҕа өрөспүүбүлүкэтээҕи тыа хаһаайыстыбатын министиэристибэтин пресс-сулууспатыгар иһитиннэрдилэр.
Уу таһыма үрдээбит улуустарыгар сүөһүнү, сылгыны үрдүк сирдэргэ таһаараллар уонна далтан таһаарбаттар.
«Халаан уутун уустук быһыыта-майгыта таҕыстар, салалта былааннаммыт оту бэлэмнииргэ уонна сүөһүнү этэҥҥэ кыстатан таһаарарга наадалаах бары миэрэлэри ылар соруктаахтар», — диэн биэдэмистибэҕэ бэлиэтээтилэр.
Бастаан ааҕынан көрүүнэн, от ыйын 20 күнүнээҕи туругунан, өрөспүүбүлүкэҕэ килиимэт усулуобуйатын учуоттаан, 402,4 тыһыынча туонна от соҕотуопкаланара күүтүллэр, бу былааннаммыт кээмэй 95% тэҥнэһэр.
Эрдэ иһитиннэриллибитинэн, ардах халааныгар Өлүөхүмэ, Сунтаар уонна Эбээн-Бытантай улуустара эмсэҕэлээтилэр. Ууга 170 олбуор уонна 77 дьиэ хаалан турар. Тыа хаһаайыстыбатыгар улахан хоромньу оҥоһулунна, ходуһалар ууга сыталлар.
