Балаҕан ыйын 27 күнүгэр диэри профилактическай үлэлэр ыытыллалларынан 1-кы уонна 2-с мультиплекстар, «Радио России» уонна «Маяк» ханааллар быстах арахсыахтарын сөп.
«Радиотелевизионный передающий центр Республики Саха (Якутия)» РТРС филиала иһитиннэрэринэн, балаҕан ыйын 5 — 27 күннэригэр РТРС филиалыгар цифровой эфирнэй биэрии оборудованиетыгар регламентнай-профилактическай үлэлэр ыытыллаллар. Чуолаан, Дьокуускай, Нерюнгри, Мииринэй, Нам сэлиэнньэтин уонна куорат тииптээх Лебединай бөһүөлэгин телебашняларыгар өрөмүөн барар.
Онон 1-кы уонна 2-с мультиплекстар, «Радио России» уонна «Маяк» ханааллар быстах арахсыахтарын сөп. Үлэлэр өрөбүл күнтэн ураты 09:00 — 17:00 ыытыллаллара былааннанар.
Өрөмүөн кэнниттэн бу ханааллар бастайааннай үлэ эрэсиимигэр киириэхтэрэ, диэн регион инновацияҕа министиэристибэтэ СИА-ҕа иһитиннэрэр.
