Саха сиригэр 32 556,7 туонна ыаммытынан үүт соҕотуопкаланна, бу сыллааҕы былаан 54,4%-на буолар, диэн өрөспүүбүлүкэ Тыатын хаһаайыстыбатын министиэристибэтэ иһитиннэрдэ. Көрдөрүү былырыыҥҥытааҕар 26,8 туоннанан үрдүк.
Ыаммытынан үүтү тутуунан уонна учуотунан дьарыктанар 56 соҕотуопка тэрилтэтэ баар.
Сыллааҕы былааны толорууга бастыҥ көрдөрүүлэри муниципальнай тэриллиилэргэ Өлүөхүмэ (71,4%), Ленскэй (69,9%), Сунтаар (66,1%), Мииринэй (62,5%), Мэҥэ Хаҥалас (60,5%) уонна Бүлүү (57,7%) улуустара оҥордулар.
2026 сылга ыаммытынан үүтү оҥорууну уонна соҕотуопканы хааччыйыыга 3,7 млрд солкуобай көрүлүннэ. Судаарыстыбаннай бырагырааманан бигэргэтиллибит субвенция кээмэйэ 65,7 тыһыынча туонна былааннаах соҕотуопкаҕа 4,6 млрд солкуобайга тэҥнэһэр. Муниципальнай уонна куорат уокуруктарыгар 2,1 млрд солкуобайдаах бүддьүөт ассигнованиелара тиэрдилиннилэр — бу сыллааҕы үбүлээһин кээмэйин 58%.
