Саха сиригэр кэнники сууккаҕа 485 коронавирус саҥа түбэлтэтэ арылынна, олортон 360 — Дьокуускайга. Ол туһунан чэппиэргэ өрөспүүбүлүкэтээҕи оперштаб иһитиннэрдэ.
Мэҥэ Хаҥалас улууһугар – 15;
Мииринэй, Хаҥалас оройуоннарыгар – 13-түү;
Сунтаарга – 10 түбэлтэ;
Үөһээ Бүлүү, Ленскэй оройуоннарыгар – 7-лии;
Муомаҕа, Тааттаҕа -6-лыы;
Амма, Нам, Нерюнгри оройуоннарыгар — 5-тии;
Горнайга, Ньурбаҕа, Томпоҕо, Уус-Алдаҥҥа — 4-түү;
Алдан, Бүлүү, Чурапчы оройуоннарыгар — 3-түү;
Өймөкөөҥҥө, Уус-Майаҕа -2-лии;
Абый, Анаабыр, Үөһээ Халыма, Орто Халыма улуустарыгар – биирдии.
Стационарга сүрүннээн аҕа көлүөнэ дьон эмтэнэллэр, оттон ИВЛ аппарапттарыгар холбоммут ыарыһахтар вакцинациялара суох. Саха сирин бырабыыталыстыбатын зампреда Ольга Балабкина Саха сирин олохтоохторун ревакцинацияналарга ыҥырда.
Сууккаҕа өрөспүүбүлүкэ лабораториялара коронавируснай инфекцияҕа 4406 чинчийиини оҥорбуттар. Пандемия саҕаланыаҕыттан барыта 2 461 189 тест оҥоһуллубут.
