Атырдьах ыйын 1 күнүгэр түүн II Хомустаах бөһүөлэгин сиригэр-уотугар эһэ киирдэ. Аһыылаах кыыл хас да тиэргэҥҥэ киирэн, олохтоохторго быһаччы кутталы үөскэттэ.
ЯСИА-ҕа Нам улууһуттан иһитиннэрбиттэринэн, дьоҥҥо куттал суоһаабытынан сибээстээн, кыылы суох оҥорор туһунан быһаарыы ылыллыбыт.
«Атырдьах ыйын 1 күнүгэр түүн 1 чаас диэки бөһүөлэк сиригэр-уотугар эһэ киирбит, хас да тиэргэҥҥэ киирэ сылдьыбыт, нэһилиэк олохтоохторугар кутталы үөскэппит. Улахан кутталтан сылтаан, тыатааҕыны суох оҥордубут», — диэн ааҕыныстыба кэпсэтээччитэ иһитиннэрдэ.
Санатар буоллахха, бу сылга Нам улууһугар эһэлэр нэһилиэнньэлээх пууннарга тахсыылара бастакытын буолбатах. Бэс ыйын ортотугар Модут сэлиэнньэттэн 2,5 килэмиэтирдээх сиргэ олохтоохтор оҕолоох эһэни көрбүттэр. Оччолорго олохтоохтору түргэнник куттал туһунан сэрэппиттэрэ, оттон кыыллары булбут сирдэригэр айылҕаны харайар инспекция бэрэстэбиитэллэрэ үлэлээбиттэрэ.
