13 От ыйа 13.07
  • 20°
  • $ 87,74
  • 95,76

Саха сиригэр сири мелиорациялааһыҥҥа судаарыстыба өйөбүлүн улаатыннардылар

Читайте нас на
Яндекс Новости
ЯДВ

СӨ Бырабыыталыстыбатын бэрэссэдээтэлэ Андрей Тарасенко тыа хаһаайыстыбатын сирин мелиорациялааһыҥҥа уонна тыа хаһайыстыбатын уунан хааччыйыыга эбийиэктэрин чөлүгэр түһэриигэ сүбэ мунньаҕы ыытта. Бу сыалга 2022 сылга федеральнайдааҕы уонна эрэгийиэннээҕи бүддьүөттэн 462 мөл солк . көрүллүбүтэ, ол былырыыҥҥытааҕар 122 мөл солк.үгүөрү.

“Биһиги ньүөлсүтэр ситими чөлүгэр түһэриэхтээхпит уонна ол кэнниттэн оҥоһуллубут сири сөпкө туһаныахтаахпыт. Хомойуох иһин, мелиоративнай үлэлэри ыытыы кэнниттэн тыа хаһаайыстыбатын тэрилтэлэрэ сири толору кыаҕынан туһамматтар. Оройуоннар баһылыктара ньүөлсүтүллэр сирдэри толору туһаныыны хааччыйыахтаахтар”, — диэн Саха сирин баһылыга Айсен Николаев эрдэ бэлиэтээн турар.

“Мелиорация управлениета” тэрилтэ 94 тыһ. гектар мелиорацияланар сирдээх, мантан 39 тыһ. гектарын эрэ дьиҥнээхтик туһаналлар. Өрөспүүбүлүкэҕэ мелиорацияны сайыннарыыга туспа бырагыраама баар. Бу бырагырааманан сир учаастактарын кадастрын үлэтин ыытыыга саҥа көмө көрүлүннэ.

Тыа хаһаайыстыбатын миниистирэ Александр Атласов иһитиннэрбитинэн, билигин өрөспүбүлүкэҕэ 24 тыһ. гектар иэннээх 41  ньүөлсүтэр систиэмэ баар. Итинтэн 19-һа эрэ үлэлиир туруктаах. Элбэх сири хабар туһуттан 22 маннык систиэмэни чөлүгэр түһэриэхтээхтэр. Тыа хаһаайыстыбатын табаарын оҥороочуларыгар тыа хаһаайыстыбатын тэхиньиичэскэй үлэлэрин ыытыыга, 8,35 мөл кубомиэтир ууну хачайдыырга таһаарбыт ороскуоттарын сорҕотун толуйуохтара, бу үп былырыыҥҥытааҕар 2,5 төгүлүнэн ботуччу.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Хаартыска: тустаах саайтан

Бэлэмнээтэ Женни Стрюкова, «Эдэр саас»

Следите за самым важным и интересным в Telegram-канале и WhatsApp-группе ЯСИА