2022 сыл от ыйыгар өрөспүүбүлүкэҕэ 1077 оҕо төрөөтө: 552 уол уонна 525 кыыс.
Уолаттарга ордук элбэхтэ Лев, Максим, Мирон, Арылхан, Виктор, Ян, Ярослав диэн ааттары биэрбиттэр.
Аҕыйах уонна ураты ааттар испииһэктэригэр уолаттарга — Алдар, Антошка, Бруно, Вальдемар, Венцеслав, Гаспар, Елисей, Йохан, Кай, Эван, Этигэл диэннэр киирбиттэр.
Кыргыттарга от ыйыгар ордук сөбүлээн элбэхтэ Алиса, София, Ева, Дарина, Милана, Анна, Полина диэн ааттары биэрбиттэр.
Сэдэх ааттар испииһэктэригэр Вайнона, Вивьен, Иоланта, Нима, Самуэла, Элуна, Юана, Юриана киирдилэр.
Саха сирин аҕа баһылыга Айсен Николаев быйылгы сылы Ийэ сылынан биллэрбитэ. Бу сыл сэттэ ый устата барыта 6452 оҕо төрөөтө, кинилэртэн 3362 — уол, 3090 — кыыс.
