Саха сиригэр 2025 сылга үлэтэ ыытыллар олохтоох көҕүлээһиннэри өйүүр бырагыраамаҕа талыы түмүгэ таҕыста. Сайаапкалары алтынньы 21 — сэтинньи 19 күннэригэр хомуйдулар. Ол туһунан регион салалтатын пресс-сулууспата суруйда.
Үп министиэристибэтигэр эппиттэринэн, куонкуруска барыта 463 сайаапка 371 муниципальнай тэриллииттэн киирдэ.
Хайысхалара — суолу оҥоруу (75), дьон сынньалаҥын тэрийии (72 ), уунан хааччыйыы уонна спорт (38-тыы).
Сайаапкалар бэрээдэк усулуобуйатынан көрүлүннүлэр уонна 334 бырайыак кыайыылаах буолла.
