Саха сиригэр мелиорация комплексын 2032 сылга диэри сайдыытын тосхоло оҥоһуллар. Маннык сорудаҕы тустаах биэдэмистибэлэргэ бырабыыталыстыба бэрэссэдээтэлин солбуйааччы Сергей Местников оҥордо.
Регион салалтатын пресс-сулууспата иһитиннэрбитинэн, докумуон сири туһаҕа таһаарыыга төрүөт буолуоҕа. Бу туһунан сири таҥастааһыҥҥа уонна тыа хаһаайыстыбатын эйгэтин уунан хааччыйыыга боппуруостарга анаммыт мунньахха эттилэр.
Тыа хаһаайыстыбатын миниистирэ Артем Александров эппитинэн, мелиоративнай үлэлэргэ анаммыт тэрээһиннэр сыллата ыытыллаллар. Холобур, 2023 сылга 16,4 тыһ гектар иэннээх ходуһаҕа 57 гидротехническай тэрили хааччыйыыга үлэ барбыт.
