«Бу даата — Ленинград олохтоохторо эр санаалаахтарын, олоххо тапталларын, тулхадыйбат күүстээхтэрин бэлиэтэ. Кинилэр бэйэлэрин куораттарын туһугар бэриниилэрин уонна кыайыыларын бэлиэтэ.
Саха сиригэр билигин Ленинград блокадатын 11 кыттыылааҕа олорор. Кинилэртэн биирдэрэ — Людмила Тимофеевна Зипунова. Людмила Тимофеевна Ленинградка 1938 сыл балаҕан ыйын 3 күнүгэр төрөөбүтэ уонна 1942 сылга эвакуацияҕа диэри олорбута. Кини 3 саастааҕа, ийэтин уонна быраатын кытта «Олох суолунан» блокадаҕа ылларбыт куораттан таһаартыылларыгар.
1941 сыл балаҕан ыйын 8 күнүгэр 872 күннээх Ленинград блокадата саҕаламмыта. Толору босхолонуу 1944 сыл тохсунньу 27 күнүгэр буолбута.
«Ленинград көмүскэлигэр олохторун толук уурбуттарга үйэлээх өйдөбүнньүк. Ол ыар сыллар тыыннаах туоһуларыгар, кыайыыны уһансыбыттарга сүгүрүйэбин. Биһиги умнубаппыт! Биһиги киэн туттабыт!» — суруйда Айсен Николаев.
