Муус устар 9 күнүгэр Үлэ кубога өрөспүүбүлүкэтээҕи күрэхтэһиилэр саҕаланнылар. Тэрээһин кылаабынай судьуйата, Россия категориялаах судьуйа, норуоттар ардыларынааҕы арбитр Гаврил Винокуров эппитинэн, хас биирдии хамаандаҕа 4 кыттааччылаах — икки эр киһи, икки дьахтар.
Күрэхтэһии эргиир ньыматынан барар, кыайыылаах уопсай ахсаанынан быһаарыллар.
РНА Сибиирдээҕи Научнай киин Саха сиринээҕи салаата, «Сахатранснефтегаз» АУо, Уус Алдан киин балыыһата, «СӨ ОДьКХ» ГУТ , Медицина суһал көмө ыстаансыйата, наркологическай диспансер, Россия социальнай пуондатын Саха сиринээҕи салаата, Дьокуускай куорат дьаһалтата, ХИФУ уонна «Якутскэнерго» ПАУо тэрилтэлэр кытталлар.
Спорт көрүҥнэрэ: баскетбол 3х3, остуол тенниһа, волейбол, футзал, киберспорт, буулдьанан ытыы, дуобат, саахымат уонна дартс.
