Саха сиригэр уонтан тахса сыл үлэ династиятын бастыҥ дьиэ кэргэттэрин Бочуот кинигэтигэр киллэрэллэр. Кинилэр уонунан сылларга, сороҕор үйэни уҥуордаан, талбыт идэлэригэр бэриниилээх буолан, көлүөнэттэн көлүөнэҕэ бэйэлэрин маастарыстыбаларын, үлэҕэ үгэстэрин тиэрдэллэр.
Бүгүн Дьокуускайга кинилэри чиэстээтилэр. Уопсай ыстаастара 123-тэн 517-ҕэ диэри, эйгэлэрэ — үөрэх, култуура, энергетикэ, авиация, тырааныспар уонна метеорология.
Сибидиэтэлистибэлэри өрөспүүбүлүкэ вице-премьера Сергей Местников туттарда:
— Андриевскайдар, энергетиктэр, Дьокуускай, уопсай ыстаастара 123 сыл;
— Егоровтар, үөрэх эйгэтэ, Хаҥалас улууһа, 370 сыл;
— Колосовтар, үөрэх эйгэтэ, Мэҥэ Хаҥалас улууһа, 411 сыл;
— Микешкиннар, авиация, Дьокуускай, 297 сыл;
— Михеевтар, култуура, Бүлүү оройуона, 229 сыл;
— Обулаховтар, үөрэх эйгэтэ, Эдьигээн улууһа, 355 сыл;
— Пономаревтар, тырааныспар, Чурапчы улууһа, 350 сыл;
— Поповтар, култуура, Таатта, 255 сыл;
— Ушатовтар, метеорология, Сунтаар оройуона, 225 сыл;
— Шишигиннар, үөрэх эйгэтэ, Мэҥэ Хаҥалас, 517 сыл.
