Хаҥалас территориятыгар ЧС хамыыһыйата бэс ыйын 6 күнүнээҕи быһаарыытынан баһаары утары оһуобай эрэһиим биллэриллибитэ. Бэс ыйын 22 күнүгэр ойуур уотун куттала 2 кылааска диэри намтаата, диэн «Ленские столбы» айылҕа паарката иһитиннэрэр.
Хаҥалас улууһун сиригэр-уотугар ойуур баһаардарынан балаһыанньа тупсубутунан, Буотама өрүһүнэн устууга хааччах арылынна.
Паарка салалтата эбэнэн устууга баҕалаахтары ыҥырар: «Рюкзактаргытын хомунуҥ, настырыанньаҕытын тупсарыҥ! Биһиги эһигини күүтэбит«.
