НВК САХА — Томпо улууһун «Халыма» федеральнай суолугар булт быраабылаларын уонна болдьоҕун кэһиитин бэрэбиэркэлиир рейдэлэр аастылар. Бу туһунан СӨ Экологияҕа министиэристибэтин пресс-сулууспата иһитиннэрэр.
«Госинспектордар бултуурга ананан оҥоһуллубут массыыналарга тус болҕомтолорун уурдулар. Алтаттан ордуга суох саа-саадах тиэйиитин хонтуруоллаатылар. Рейдэ үлэтин түмүгүнэн кэһии булуллубата», — диэн тириэрдэллэр.
Күһүҥҥү булт сезона түмүктэниэр диэри маннык бэрэбиэркэлэр өрөспүүбүлүкэ бары улуустарыгар ыытыллыахтара.
