Саха сирин олохтоохторо, дойду үрдүнэн тэҥнээтэххэ, арыгыны иһиилэрэ кыра. Биирдиилээн атыыланар испиирдээх бородууксуйаны атыылаһыы көрдөрөрүнэн, өрөспүүбүлүкэ нэһилиэнньэтэ Уһук Илин 11 регионуттан 9-с миэстэҕэ турар.
Ол туһунан Росстат отчуотугар суруллар, ЕМИСС сайтыгар таҕыста.
2022 сыллаахха биирдиилээн атыыланар испиирдээх бородууксуйа нэһилиэнньэ дууһатыгар 6,1 литр ыраас 100-бырыһыаннаах испиир тиксэр. Бу Саха сиригэр биир сылга биир киһиэхэ тиксэр орто көрдөрүү.
Уһук Илиҥҥэ саамай элбэх көрдөрүү Сахалиҥҥа — 11,7 литр, Магадаҥҥа уонна Камчаткаҕа — 10,5 литрэлии. Россияҕа лидерынан Карелия буолла — 11,9 литр. Саамай кыра көрдөрүүлээх Чечня (0,13 литр) уонна Ингушетия (0,25 литр).
Орто көрдөрүү дойду үрдүнэн — 6,4 литр биир киһиэхэ.
