Саха сиригэр 273 эдэр ыал, иккиэн 35 саастарын туола иликтэр, «Обеспечение доступным и комфортным жильём» бырагырааманан социальнай төлөбүр ылыахтарын сөп. Кээмэйэ 30% — 35%. Ол туһунан тутуу миниистирин бастакы солбуйааччыта Галина Новикова эттэ, суруйар СИА.
«Төлөбүр кээмэйэ дьиэ сууматыттан 30% — 35% ылыан сөп. Өскөтүн эдэр ыал оҕото суох буоллаҕына, социальнай төлөбүр 30% буолар: кыбартыыра иэнэ 42 кв м. Өскөтүн эдэр ыал биир уонна онтон элбэх оҕолоох буоллаҕына, төлөбүр хас биирдиилэригэр 18 кв м ааҕыллар. Муниципалитекка олохтоммут сыанаттан тутулуктаах, ити эрээри өрөспүүбүлүкэ үрдүнэн баар сыанаттан таһынан барыа суохтаах», — диэтэ Галина Новикова.
Маннык төлөбүргэ эдэр ыал, биир уонна онтон элбэх оҕолоох эдэр ыал, биир уонна онтон элбэх оҕолоох биир төрөппүттээх толорута суох ыал хапсыахтарын сөп. Саха сиригэр олорор буолуохтаах.
Ирдэбиллэри манна киирэн аах: https://ysia.ru/bolee-270-molodyh-semej-yakutii-poluchat-sotsialnye-vyplaty-na-zhile/
